ORANJESTAD (AAN): Despues di un formacion intensivo via e instituto RINO Zuid,
recientemente 6 profesional a gradua como POH-GGZ y ta cla pa duna aporte y cuido den prome liñea.
Asociacion di Docternan di Cas, esta HAVA, a felicita e grupo aki di specialista den e campo di salud mental y ta desea nan suerte cu e etapa nobo den nan carera.
Cu graduacion di e grupo di 6 POH-GGZ, pashentnan na Aruba lo beneficia di e ampliacion di servicio den prome liñea.
Na Aruba e POH-GGZ ta traha hunto cu e dokter di cas y tey na consultorio pa pashentnan cu kehonan por ehempel di angustia, depresion, stress of problema pa drumi, etc.
E meta di un POH-GGZ ta pa mehora e acceso na cuido pa salud mental. Ademas, na e manera aki mas lihe posibel por yuda e pashent pa cuminsa mehora su salud psikico.
E rol di un POH-GGZ ta pa ofrece guia y tratamento di durashon cortico na pashentnan. Si ta necesario, e lo verwijs e pashent door.
Dokternan di HAVA ta sigui sostene desaroyanan asina pa por keda eleva y mehora cuido mental pa nos comunidad.
Pabien na e graduadonan: Joysanne Teixeira di Huisartsenpraktijk Rasmijn y Huisartsenpraktijk Algera. Pabien na JoEve Felten di Huisartsenpraktijk HOED Piedra Plat. Pabien na Crystal Brown di Huisartsenpraktijk Mikeo Martis.
Tambe pabien na Eargelon Florentina di Huisartsenpraktijk Lasten y Huisartsenpraktijk Croes. Pabien na Stephanie Lopez di Huisartsenpraktijk Van Trigt. Pabien tambe na Shantol Palmer di Huisartsenpraktijk Tjon Kon San.
Mas cu claro, hopi pabien tambe na Wit Gele Kruis Aruba, POH Aruba y Huisartenpraktijknan envolvi. Aruba ta bayendo den un direccion positivo.
