Ministro Maduro di Finansa y Cultura gradici Cuerpo Consular pa bunita reconocemento

ORANJESTAD (AAN): E siman aki Minister Maduro di Finansa y Cultura a ricibi un bunita reconocemento di Cuerpo Consular di Aruba,

pa e bon relacion y atencion brinda pa e mandatario na e Cuerpo Consular.

   E representantenan ta masha gradici pa e asistencia brinda ora di organiza dianan di conmemoracion y tambe intercambionan cultural cu ta fomenta cooperacion y paz entre ciudadanonan di nos Pais.

   “Nos a haci nos trabao fo’i nos curason y e ta bunita pa mira cu esaki a toca e curason di hopi hende na Aruba. Masha danki Cuerpo Consular di Aruba pa e bunita reconocemento aki,” tabata e palabranan cu Minister Maduro a uza pa gradici e Cuerpo Consular pa e bunita gesto aki cu lo keda un bunita recuerdo pa semper.