Ministro Maduro a representa Aruba na celebracion Dia di Bandera di Curaçao

ORANJESTAD (AAN): Diadomingo siman pasa, e isla di Curaçao a celebra Dia di Bandera.

Pa e ocasion special aki Minister di Finansa y Cultura Xiomara Maduro a representa nos Pais na e ceremonia riba Brionplein.

   Tabata un bunita ceremonia cu a worde acompaña pa un bunita programa cu discurso, reconocemento na ciudadanonan cu a destaca, manifestacion cultural y musica.

   Pa Minister Maduro tabata un placer pa por a comparti un rato cu e mandatarionan di Gabinete Pisas y tambe pa por a combersa cu algun Parlamentarionan di Pais Curaçao.

   E ta importante pa e lasonan di hermandad entre Aruba y Curaçao semper keda fuerte, y pa nos ta presente na momentonan cu ta importante pa nos Pueblonan. Minister Maduro ta felicita y gradici e Pueblo di Curaçao pa recepcion cariñoso pa e mandatario na su yegada na Plaza Brion y pa e hospitalidad brinda na Dushi Curaçao.