Ministro Maduro a honra Richenel Bello pa su 25 aña den servicio di Gobierno

ORANJESTAD (AAN): Recientemente Minister Maduro di Finansa y Cultura a ricibi sr. Richenel Bello hunto cu su señora y yiu pa felicit'e pa su 25 aniversario den servicio di Gobierno di Aruba.

Richi, manera e ta worde yama pa su coleganan, ta traha na Departamento di Finansa y pesey pa e ocasion festivo aki tabata presente Director di Departamento di Finansa, sr. Derrick Werleman y Hefe di Presupuesto señora Jo-Anne Kock.

  Minister Maduro a felicita y gradici Richi pa su loyalidad pa traha ya pa 25 aña den Gobierno na bienestar di comunidad. Ultimo añanan Richi ta percura pa e presupuesto di Ministerio di Justicia y Asunto Social cual ta un trabao dificil cu Richi ta domina na manera hopi profesional. Su coleganan a expresa di ta aprecia masha hopi e manera calmo cu Richi ta atende cu tur reto di trabao y cu Richi semper dispuesto pa yuda pa busca un solucion pa problemanan cu ta presenta.

  E mandatario a presenta Richi cu su Decreto Gubernamental, carta di felicitacion y hunto un recuerdo y un regalito chikto pa recorda e aniversario importante aki. Di parti di su coleganan, sr Werleman a presenta Richi cu un plakaat como aprecio pa su 25 aniversario di trabao.

  Minister Maduro ta felicita Richi y su famia pa tur esfeurso haci den e ultimo 25 aña y ta spera cu Gobierno por keda conta algun aña mas cu e trabao di Richi na bienestar di Aruba.