Ministro Gerlien Croes mustrando cu Aruba tambe lo bay uza plataforma KeDo

ORANJESTAD (AAN): Siman pasa, Aruba y e veld di enseñanza a tuma un paso importante den digitalisacion di e isla su sistema educativo.

   Diabierna a start cu e rondanan di introduccion di e plataforma digital KeDo.

   Esaki un plataforma Hulandes (e nomber ta bin di ‘KetenDossier’), cu ta un den contexto Hulandes un aplicacion modular di internet pa registra, comparti, y sigui desaroyo (monitor) di e alumnonan dentro di e dominio social.

   Ademas di esey, KeDo tambe ta brinda e oportunidad pa sostene e desaroyo social-emocional di nos alumnonan.

   E plataforma a wordo desaroya door di Xlab Cloud Services.  Aunke e no ta un sistema puro di enseñansa (manera Magister of Somtoday), e ta dirigi su mes riba enseñanza na un forma specifico, unda e mundo di bida di e mucha y scol ta uni.

   Na Hulanda, KeDo ta wordo hopi uza door di difereente gemeente, tambe esnan trahando den cuido hubenil y trabao pa hobennan.  Ora cu un alumno tin mester di extra sosten, mesora KeDo ta yuda como e contacto entre scol, famia, y profesionalnan di ayudo segun e metodo di “un famia, un plan, un registro”.

   Ministro Gerlien Croes tabata presente na e introduccion, y a duna palabra di apoyo y sosten tambe na esnan cu a cuminza siña traha cu KeDo.