Ministro Gerlien Croes firmando acuerdonan durante Vierlandenoverleg

Ministro Gerlien Croes firmando acuerdonan durante Vierlandenoverleg

ORANJESTAD (AAN): Durante e cumbre yama ‘Kingdom Summit’ na St. Maarten, riba Diaranson 18 di November,

como Minister di Educacion, Gerlien Croes a formalisa, hunto cu e Ministronan di Educacion di Corsou, St. Maarten y Hulanda, e acuerdonan alcansa durante e Vierlandenoverleg (M4LO).

   Entre e prioridadnan cu nan a compromete pa sigui traha riba dje ta e 'Strategic Education Alliance' (SEA), 'Brain Gain', multilingualismo, uzo di aparato digital den enseñansa y exploracion di posibel compranan conhunto pa material digital y recursonan educativo.

   Tambe ta importante pa menciona cu pa prome biaha dia 17 di november, e islanan di Caribe Hulandes BES, Boneiro, Saba y St. Eustatius a participa como observador durante e combersacionnan cu a tuma luga.

   Un paso importante pa fortalece cooperacion, comparti conocemento y crea mas oportunidad pa nos studiantenan y educadornan den Reino.

   “Hunto nos ta sigui traha pa un enseñansa mas fuerte y un miho futuro pa nos hubentud,” Ministro Gerlien Croes a finaliza bisando.