Ministro Gerlien Croes cu bishita fructifero na Scol Basico Dornasol

ORANJESTAD (AAN): E siman aki, Ministro di Enseñanza, Gerlien Croes a efectua un bishita di trabao na Scol Basico Dornasol situa na Sabana Basora. 

E scol aki ta uno publico cluster 4 cu ta specializa den enseñansa regular, y guia di alumnonan cu tin un diagnostico di Autismo.

   Na su yegada, Ministro a ricibi un caluroso bon bini di tanto cabezante, docente-, y alumnonan.  A pasa bishita varios klas pa mira con e proceso di duna les ta sigui eynan, y a mira diferente proyecto cu e alumnonan ta orguyoso di traha riba dje.

   Tambe a reuni cu directiva di scol y a elabora riba diferente aspecto.  Ministro Croes a splica cu e ta reconoce y balora e dedicacion di tur maestro, personal y directiva. Danki pa e amor y esfuerso cu boso ta pone den e futuro di Aruba.