Ministro Gerlien Croes a bay felicita Eagle Bowling Palace cu nan 35 aniversario

ORANJESTAD (AAN): E ta un empresa cu pa hopi hende, ta e catalizador pa yuda nan siña,

y hasta forma parti di teamnan organiza cu tabata competi na nivel nacional y tambe internacional den Bowling.

   Ta trata aki di Eagle Bowling, cu a wordo funda na 1990 tempo cu ainda no tabatin e rotonde riba Sasakiweg mes.

   Eagle Bowling ta uno cu a crece cu comunidad, a duna tur hende e chens di hunga riba canchanan moderno di bowling, cu sistemanan computariza cu tabata mantene score pa tur participante.

   Hunto cu su Bar atractivo y snackbar cu cuminda sabroso, e lugar a sa di sigui crece.  Awor cu el a yega su di 35 aniversario, Ministro di Deporte, Gerlien Croes a asisti tambe na e fiesta pa observa e aniversario unico aki.

   Ministro Croes a manda palabra di pabien na gerencia, staf y personal.  El a desea nan hopi aña mas di exito, y a gradici nan pa garantiza e continuacion di deporte di bowling na Aruba.