Ministro Gerlien Croes a bay entrega premio na e tres mihor atletanan

Weganan Interinsular 2025

ORANJESTAD (AAN): Weganan Interinsular a inicia na nos hermana isla Curaçao y e fin di siman aki a toca turno deportivo na nos isla Aruba pa e disciplinanan di Dammen, Basketball y Volleyball.

   “Esaki ta e prome actividad deportivo escolar cu mi a atende y presencia cu hopi orguyo como Minister di Relacionnan den Reino, Educacion, Innovacion, Hoben y Deporte”, mr Gerlien a subraya

   Hoben nan cu talento deportivo a sa di bataya fuertemente, elevando e nivel di Weganan Interinsular aun mas y demostra union deportivo na mes momento entre e islanan ABC.

   Como Minister di Deporte e tabata un honor y orguyo pa mira hobennan destaca den deporte, pero tambe pa otorga premiacion na e mihor tres atletanan cu a sobresali den cada disciplina deportivo.

  Weganan Interinsular ta continua proximamente na nos hermana isla, Bonaire, islanan manera Saba, St. Eustasius y St. Maarten tambe lo ta participando.

   Danki na colega Minister di Enseñansa, Ciencia, Cultura y Deporte di Curaçao, Sr. Sithree “Cey” van Heydoorn y na Sr. Terrence de Jongh, Hoofd di IndeBon di Bonaire pa e aprecio y gradicimento.

  “Un palabra di pabien y gradicimento na cada un cu ta contribui na e exito di e torneo aki,” ta loke minister Gerlien Croes a termina bisando.