ORANJESTAD (AAN): Recientemente den un encuentro ameno Minister Endy Croes a reuni cu docentenan di Instituto IPA pa cu e estudio di movecion y salud.
Tin diestres studiante ta finalisando nan estudio pa por duna sport na scol. En conexion cu esaki mester haci un stage den exterior pero door di e pandemia di Covid 19 esaki no por a bay door aña pasa, pero lo continua den 2022.
Si tur cos bay manera planea Aruba lo conta den e proximo aña escolar cu diestres docente di sport cu lo asisti na scolnan.
Pa finalisa e Mandatario a expresa cu e tabata un bon reunion y ta desea e futuro docentenan exito cu nan stage.
