ORANJESTAD (AAN): Durante un conferencia di prensa Diahuebs mainta, PR di Serlimar Jermaro Emerencia a papia riba e kehonan cu e compania ta ricibi ora cu nan kita barinan na cas di hende cu no a paga.
“E motibo valido pakico nos ta kita e barinan ta pasobra e hendenan aki no a paga na 2019, 2020 y 2021”.
Obviamente e ora ey nos ta bay na e proceso di recoge e barinan di sushi na e casnan.
Si esaki a pasa cu bo pasa cerca nos y nos por traha un areglo di pago cu bo, segun Emerencia kende a indica cu por paga online tambe y dependiendo di e situacion Serlimar por bin cobra bo na cas.
E PR a trece dilanti tambe cu mester corda cu tur aña durante e dianan di fiesta e ruta ta cambia.
“For di dia cu Serlimar ta existi tur aña ora cu ta dianan di fiesta e schedule di full e siman ta hala pa 1 dia despues of un dia prome cu e dia di fiesta”.
Otro siman cu ta Diabierna Santo, e ruta di Dialuna lo cuminza riba Diadomingo y lo caba Diahuebs, segun Emerencia.
