Ministro di Salubridad a bay bishita servicio di Ambulans ImSan

ORANJESTAD (AAN): Siman pasa, specialmente riba e Dia Mundial di Siguridad di Pashent,

Minister Wyatt-Ras a haci un bishita di trabou na Ambulancedienst ImSan.

   Durante e bishita, Minister a dialoga cu e profesionalnan, ricibi informacion tocante nan trabou diario y conoce mas di cerca e ekipo, procedimentonan y coordinacion cu ta forma parti di cuido medico pre-hospitalario.  Aki a papia cu Liberato Hoek, kende ta director di Ambulancedienst.  Tambe a mira un presentacion duna door di Dr. Monica Nuboer-Gonzalez.

   E intercambio a pone atencion riba preparacion, coordinacion y cuido sigur desde e prome momento cu un pashent ricibi asistencia.

   Ministerio di Salubridad ta gradici e team di Ambulancedienst ImSan pa e intercambio y pa nan trabou diario na servicio di comunidad.