ORANJESTAD (AAN): Dialuna anochi den un rueda di prensa extraordinario a comparti e noticia cu den Aruba su di dos presupuesto supletorio di aña 2023 tin un surplus di 25 miyon Florin.
Algo cu ta pasa pa prome biaha den historia di nos isla.
E bon noticia aki ta surgi despues di un largo esfuerso unda cu a hiba un
maneho estricto y responsabel. E excedente aki lo worde uza pa sigui cu proyectonan importante, pues e presupuesto aloca pa Ministerio di Transporte, Integridad, Naturalesa y Asuntonan di Adulto Mayor ta un suma di 7.3 miyon Florin.
Minister Arends ta enfatisa cu e fondonan aki lo worde inverti den capital humano, subrayando e necesidad di duna nos grandinan e cuido digno cu nan merece.
E suma di 3.3 miyon Florin lo worde uza pa paga e trahadornan di SABA directamente pa asina sigura cu e placa no worde utilisa pa otro cosnan prome cu yega na nan.
Suma di 3.9 miyon lo bay na e mehoramento di cuido pa nos Adultonan Mayor. Lo habri un di dos Cas Marie cu dag-opvang pa adulto mayor cu dementie/ alzheimer.
Minister Arends tambe ta consciente cu tin un debe na trahadornan di Serlimar y Arubus cu mester worde paga. Esaki lo worde atendi cune manera cu e fondonan bira disponibel pa asina mantene e operacionnan di e companianan aki saludabel.
Minister Arends ta gradici su coleganan minister y tur cu a yuda pa logra e
meta sumamente positivo aki. Cu vision, dedicacion y un gran amor pa nos pais, nos ta hiba Aruba pa dilanti.
