ORANJESTAD (AAN): Cu hopi orguyo y satisfaccion, como Minister di Educacion, e tabatin e honor di ta presente na e prome dia di Aruba College Fair 2026.
Den presencia di un gran cantidad di studiantenan di entre otro Colegio Arubano, Mon Plaisir College, Filomena College, YNZ Montessori, e por a comparti algun palabra di motivacion y sosten cu e hobennan cu ta preparando pa tuma e siguiente paso importante den nan trayectoria educacional.
Cada soño grandi ta cuminsa cu un prome stap, y cada decision bon informa ta habri porta pa un futuro yen di oportunidad!
“Mi gradicimento na tur instituto, departamento y stakeholders cu un biaha mas a contribui na e exito di Aruba College Fair,” Ministro Croes a declara. El a papia cu hopi hoben, y tambe diferente scol cu tabatin booth den e Fair. “Hunto nos ta sigui inverti den futuro di nos hobennan,” el a finaliza bisando.
https://diario.aw/categories/noticia/general/ministro-a-mira-con-college-fair-a-inspira-hobennan-pa-nan-siguiente-paso#sigProId6e6407eb2e