Ministro a honra pareha turista cu a bishita Aruba ya pa 284 biaha

Den periodo di 34 aña

ORANJESTAD (AAN): Recientemente Ministro di Turismo, Wendrick Cicilia hunto cu Parlamentario Carlos Bermudez, a pasa bishita e pareha turista, Walter y Joellyn Garside, debi na e hecho cu nan ta observando nan di 34 aña ta bishitando e isla.’

   Nan a bishita Aruba pa prome biaha na 1992, y nan mes a casa na 1996.  Di e tempo ey, nan ta bishitando Aruba ya pa 284 biaha.  Segun e pareha Walter y Joellyn, nan ta sinti nan mes na cas aki na Aruba.

   Ministro Wendrick Cicilia a indica na nan, cu “30 plus aña bishitando Aruba.  Esey no ta un viahe... esey ta un storia di amor”.