Ministro a entrega diploma na 14 Polis nobo pa reforza Cuerpo Policial

ORANJESTAD (AAN): E siman aki, Ministro Rocco Tjon hunto cu Korpschef suplente, señora Irma Gordon y directora di Scol di Polis,

señora mr. Jeanette Richardson Baars MA, a haci entrega di e "Basisdiploma N3" na 14 agente policial.

   “Nan a termina e prome parti di nan estudio di 4 aña, y awo practicamente nan carera policial ta inicia. E grupo di recien graduado por bay reinforsa e diferente districtonan aworaki. Un pabien na tur e graduadonan y nan famia. Hopi exito den boso carera policial”, Minister Rocco Tjon a expresa.

   GRUPO 2021: Tambe a haci uzo di e oportunidad pa adresa poco palabra na e grupo cu aworaki a cuminsa cu nan estudio na Scol di Polis. Grupo 2021. A recorda nan cu di e mas di 500 solicitantenan, nan a worde selecta, pues pa nan haci bon uzo di e oportunidad unico aki.

   Un oportunidad unico pasobra nan no solamente lo bay forma parti di un organizacion dinamico y profesional, pero nan lo bay forma parti di un famia. 

   “Scol di Polis ta e curason di e Cuerpo Policial y e docentenan tin hopi conocimento y experiencia. E deseo y plan pa independiza y converti e Scol di Polis den un academia di Husticia lo worde inicia pronto. Asina lo por percura pa "opleidingen" pa personal existente cana mas lihe, pero tambe por brinda mas curso na ful sector publico (p.e. bijzonder opsporingsambtenaar) y tambe sector priva (safety and security)”, Minister Tjon a duna di conoce