Ministro a bay na premiere di obra ‘Mi Decision’ - Bo futuro ta den bo man

ORANJESTAD (AAN): E siman aki, Ministro di Enseñanza Gerlien Croes a acudi na aula di Universidad di Aruba,

pa asina presencia e première di e obra teatral “Mi Decision” na Universidad di Aruba, hunto cu studiantenan di HAVO y VWO.

   Segun Ministro, esaki ta un tremendo iniciativa inspirador di un colaboracion entre Landelijk Werkgroep HBO y Strategic Education Alliance di Hulanda cu ta motiva e hobennan pa reflexiona riba nan soñonan, descubri nan posibilidadnan y tuma decisionnan consciente tocante nan futuro educativo.

   Pasobra cada decision bon pensa ta un paso mas cerca di realisa bo soñonan.  Ministro Gerlien Croes a haya chens tambe di dirigi su mes na e grupo di hobennan y na publico.