Ministro a bay check cunucu di famia Li

ORANJESTAD (AAN): Den fin di siman cu a pasa, Ministro di Sector Primario, esta Ursell Arends, a bishita cunucu di famia Li.

   Segun Ministro, ta increibel fascinante pa mira con Aruba su ciudadanonan ta proactivamente engrandeciendo e industria di agricultura. Di simia pa cosecha y despues riba mesa pa come.

   E titular di agricultura a indica cu el a pasa un rato masha ameno cu famia Li cu a dun’e recorido di nan plantacion y tambe a habri porta di nan hogar. “Masha danki y sigur famia Li ta sirbi como inspiracion pa esnan cu ta pensando pa cuminsa planta.”

   Pa cada fruta y berdura cu worde cosecha, no solamente bo ta cultivando alimento pero tambe cultivando un Aruba mas saludabel.