ORANJESTAD (AAN): Ministernan Endy Croes y Rocco Tjon a haci bishita na Centro Famia Piedra Plat
en conexion cu lanzamento di nan website y ‘billboard’ nobo. E fundacion a worde estableci na aña 2008 door di sr. Adriaan Berg & Dr. Maikel Kelly.
E fundacion tin como meta pa sirbi e bario di Paradera/Piedra Plat y vecindario riba base comunitario, educativo y social. Fundacion Centro Famia Piedra Plat tin actualmente tres proyecto, esta ‘Oansa’, cu ta un club pa mucha di edad di 3 te cu 13 aña.
Tin un averahe di 50 mucha ta atende e club y 10 lider. Lesnan ta worde duna riba diabierna. Tambe ‘Cas di Musica’, un scol di musica cu un averahe di 62 alumno y 6 docente di musica. Lesnan ta di dialuna pa diasabra.
Tambe ‘Centro di Education Creativo’ ta e programa di mas grandi cu e fundacion ta ofrece pa muchanan y hobennan despues di scol. Mas detaye awe den DIARIO di e Centro aki.
