ORANJESTAD (AAN): Ministerio Publico a duna un update relaciona cu caso di detencion di cuidadornan di preso di KIA.
Manera conoci Polis, bao guia di Ministerio Publico, recientemente detene tres cuidador di preso y cuatro civil relaciona cu un investigacion di corupcion bao bewaker na KIA.
Di e siete sospechosonan aki, tin cinco ainda den detencion, entre otro e tres cuidadornan di preso.
Durante e investigacion, Polis a haci huiszoekingnan na cinco adres: na Primavera, Rancho, Madiki, Paradera y Savaneta y a confisca, entre otro, droga.
E investigacion ta andando y mas detencion no ta wordo exclui. E investigacion ta den man di Cuerpo Policial di Aruba, cu ta inclui tambe rechercheurnan di RST, a base di e protocol en cuanto cooperacion specializa di recherche entre e paisnan den Reino.
