Minister Dangui Oduber
ORANJESTAD (AAN): Minister di Turismo y Salud Publico, sr. Dangui Oduber ta contento pa anuncia cu pronto e restructuracion di area di Alto Vista tey cuminsa. Un bunita proyecto unda lo embeyece y crea un miho structura pa e area di Alto Vista.
Despues di hopi tempo di dialogo, preparacion y proceso di destaho hunto cu e commission Alto Vista, awe gobierno ta orguyoso di anuncia cu e proyecto di Kapel Alto Vista ta bai cuminsa.
Minister Oduber ta menciona cu e proyecto aki a wordo anuncia na 2023 y awo ta cla pa cuminsa. E vision tras di e proyecto aki ta pa asina por organisa y mantene e area aki cu trankilidad y paz pa tur cu ta bishita y haci oracion na e Kapel di Alto Vista.
E proyecto ta insera pa implementa ta lo siguiente:
Percurpa pa amplia e espacio di parkeo y lo tin un area aloca special pa parkeo, cual diseño lo ta uno den forma natural.
Lo bay tin borchi indicando reglanan estricto pa personanan duna respet, manera no zonido duro, guia di vestuario apropia.
Ta bay agrega un hardin cu flora local panort di Kapel den colaboracion cu fundacion local.
Finalmente, Minister Oduber ta gradici tur persona cu a yuda pa haci e proyecto aki un realidad. Den Minister su palabranan: “Mi kier a duna un aprecio y gradicimento na nos departamento di obra publico pa diseña y encamina e proceso di destaho publico, pero mas en special na e comision di Alto Vista, pa a conseha y guia den e proyecto.”
https://diario.aw/categories/noticia/general/ministerio-di-turismo-ta-contento-pa-anuncia-cu-e-proyecto-di-restructuracion-di-alto-vista-tey-cuminsa#sigProId3e4165709f