ORANJESTAD (AAN): E certamen di beyesa Miss Hulanda a yega su fin despues di 94 aña di historia,
un decision tuma pa su organisadornan debi na criticanan y negatividad cu nan a enfrenta aña tras aña.
Segun Monica van Ee, director di e concurso, e comentarionan discriminatorio relaciona cu apariencia di e participantenan a bira un constante dificil di maneha.
Expresionnan manera “demasiado blanco”, “demasiado preto” of atakenan persona a genera un atmosfera carga di energia negativo, loke a afecta tanto concursantenan como organisadornan.
Ademas di e comentarionan publico, e certamen tambe a enfrenta menasanan di morto contra algun di nan participantenan, incluyendo Rikkie Kollé na 2023, e prome ganador transexual di e concurso, segun De Morgen. E situacion a mustra cu ta necesario un cambio profundo.
van Ee a señala cu e sentimento negativo a bira asina insostenibel, cu nan a dicidi di cancela e final y procesonan di seleccion, pa evita ta constantemente na defensiva contra criticanan.
Reconociendo cu temponan a cambia, e organisadornan a dicidi di cera un capitulo y busca un manera nobo di promove nan balornan positivo, lagando atras un formato cu nan ta considera obsoleto.
-Un plataforma nobo pa un era nobo
Como respuesta na e retonan enfrenta y cu proposito di adapta na cambionan social, organisadornan di Miss Hulanda a anuncia cu nan a crea un plataforma nobo yama 'Niet Meer Van Deze Tijd'.
E proyecto ta substitui e certamen tradicional. E idea ta laga coronanan atras y bandanan pa enfoca riba temanan esencial manera salud mental, diversidad, rednan social y autoexpresion.
“Sjerp y corona ta obsoleto. Lo importante ta crea un lugar na unda muhernan por sostene otro”, segun van Ee en Der Morgen.
E enfoke principal ta crea un espacio na unda experiencia y perspectivanan individual ta balora, y aleha di standard tradicional di beyesa. Na lugar di competencia, plataforma busca construi un comunidad basa den apoyo y creatividad.
E fundador di e proyecto ta van Ee mes. El a subraya cu Niet Meer Van Deze Tijd ta un espacio cu lo permiti hobennan pa comparti ideanan, debate cuestionnan social y expresa nan mes sin restriccion.
A lo largo di su mas di 35 aña di historia moderna, e certamen Miss Hulanda a laga un legado significativo den sociedad. E organisadornan a busca pa duna mas relevancia na participacion social di candidatanan. Specialmente promove balornan como compromiso cu causa social y empoderamento femenino.