Ministerio di Infrastructura lo stimula inversion y facilita permiso na comercio pa centro di ciudad

ORANJESTAD (AAN): Durante un conferencia di prensa diamars merdia hunto cu Prome Minister mr. Mike Eman y Minister di Finansa mr. Geoffrey Wever,

Minister di Vivienda y Infrastructura Rene Herde tambe a uni na e vision di Minister Wever pa cu revitalisacion di e area di Wilhelminastraat. Mirando e embergadura y importancia di e proyecto aki, Minister Herde a sigura tur cooperacion di e departamentonan cu ta resorta bao di su ministerio pa e revitalisacion aki cana bon.

   E exito di un vision ta depende di continuacion aunke esaki ta transcende diferente gobierno y esaki ta hustamente unda por elogia Minister Wever cu si e continua cu e vision pa trece bida back den Caya Grandi. E  intencion ta pa uza, no solamente inversion fisico pero haci uzo di tur instrumento legal pa percura pa e proyecto continua den e fase aki como den mas fase venidero.

   Ademas di inversion fisico kier stimula centro di ciudad y cualkier inversion pa cu centro di ciudad. Como Ministerio di Infrasctructura tin e posibilidad di facilita entre otro permisonan/precario cu na momento cu e infrastructura t’ey, e comerciante por haci uzo di espacio pafo di su negoshi, crea specialmente pa brinda e servicio manera entre otro na restaurant cu ta desea un terasa/patio den aire libre.

   Tur esaki como parti di e stimulacion na comercio.

   Pa mantene un centro di ciudad activo, mas di locual e ta na e momento aki, lo mester tene na cuenta cu mantencion di edificio, areanan publico, limpiesa di centro di ciudad cual ta locual e gabinete tin como plan/proyecto pa oranjestad.

For di bon idea pa inversion, pa mantencion lo percura pa den team work logra esaki.