Minister Arthur Dowers:
ORANJESTAD (AAN): Den un entrevista cu Diario, Minister di Husticia, Integracion y Transporte Publico, Arthur Dowers, a elabora riba siguridad den trafico pa loke ta trata eBikes, Steps, eScooters, bicicleta, entre otro. A lanta un comision special pa haci investigacionnan pa despues tuma accionnan pa adapta e leynan pa asina brinda un trafico sigur pa tur ciudadano.
Minister Dowers a splica cu ya na Hulanda, tur persona cu ta uza e vehiculonan di transporte aki, mester haci uzo di un helm riba nan cabes. Na Aruba actualmente bicicletanan ta core riba caya pasobra no tin ley tampoco suficiente fietspad. Menornan tambe por core riba bicicleta riba caya, mientras no tin ley.
E minister a remarca cu esaki ta reglanan cu Gobierno ta bin cu ne pa proteha e personanan aki cu ta core un risico grandi pa siguridad di hende den trafico. Pero, el a enfatisa, cu e responsabilidad mester tambe bin di mayornan pasobra nan tambe por mira e peliger ora ta scoge pa pone nan yiunan riba un di e tiponan di vehiculo aki.
{gallery}Gobierno lo adapta ley pa vehiculonan manera eBikes, Steps, eScooters y bicicleta{/gallery}
