Minister Wever a cende e luznan di Pasco den e terminal di bus San Nicolas

ORANJESTAD (AAN) – Minister di Economia, Comunicacion y Desaroyo Sostenible Geoffrey Wever, a bishita e terminal di Arubus di San Nicolas, pa cende e luznan di Pasco

y inaugura e ambiente di Pasco y fin di Aña 2021, pa e usuarionan di Arubus, y pueblo pariba di brug. E acto a sosode den un ambiente hopi ameno.

            Parlamentario di e Fraccion di MEP pa e Distrito di San Nicolas Alvin Molina tambe tabata presente, y por a mira presencia di Minister Endy Croes. Minister Wever a wordo invita pa pasa na e caha di coriente y cende e luznan.

            Personal di Arubus na San Nicolas a duna e mandatarionan y parlamentarionan presente, palabranan di cordial bon bini, y a bisa nan pa sinti nan mes manera na nan cas.