Minister Ursell Arends honra cu presentacion di Bureau Veiligheidshuis Aruba

Tocante negligencia di adulto mayor: 

ORANJESTAD (AAN) – Pa e Minister di Transporte, Integridad, Medio Ambiente y Naturaleza, señor Ursell Arends, tabata un honor y un placer di a haya un presentacion di e Bureau Veiligheidshuis Aruba, cu tabata na encargo di drs. Bernice Schulte, ken ta encabeza e plataforma aki.

            Den e presentacion aki, e mandatario a bisa, e por a mira cu tin un plataforma existente caba, cu tin di haber cu negligencia den varios aspecto den nos comunidad, y specialmente, nos adultonan mayor.

            E mandatario a señala cu na lugar di bay inventa un wiel nobo, ya caba tin un plataforma unda su ministerio por apunta personanan responsable pa adultonan mayor, unda por atende cu e problemanan y negligencia cu ta tuma lugar, di un forma structural.

            Minister Arends a expresa cu ta dispuesto pa, den futuro, tambe traha hunto cu Bernice, den e plataforma aki, mirando cu e meldingnan cu ta tumando lugar caba na e bureau, pa loke ta trata adultonan mayor.