Magaly Brito di SEPPA:
ORANJESTAD (AAN): Magaly Brito Secretaria di SEPPA a duna di conoce cu si mira enseñanza esaki ta un cu tin retonan grandi pa falta di docente. El a indica cu recientemente a scucha Minister di Enseñansa bisa cu e retraso di añanan largo caminda cu e trahador no ta haya nan MB y diferente condicion financiero.
Brito a agrega cu constantemente SEPPA ta boga pa nan asuntonan wordo regla. SEPPA ta elogia e mandatario cu awor ta sali afo y bisa cu e ta bay haci'e y cu den dos pa tres luna tur cos lo keda cla. "Pero e situacion ey no mester tabata asina", a expresa.
Un dunador di trabao mescos cu e ta exigi di su trahadornan pa nan cumpli, un dunador di trabao tambe mester cumpli. No ta por nada tin e guera entre e minister anterior y e minister actual riba e tema aki, pero cu e guera ey e empleadonan publico no ta sali bay dilanti, a expresa.
E representante di SEPPA a agrega cu den enseñansa ta mira cu tin un escasez hopi grandi, diferente fundacion, pero tambe den scolnan publico.
A laga sa cu recientemente tabata tin un dialogo cu minister riba e tema aki, prome cu su anuncio riba e tema aki y otronan manera e werksternan den scolnan publico di cual e contract cada biaha a wordo amplia. SEPPA ta bisa cu e situacion aki no por pasobra tin leynan cu ta indica cuanto biaha por extende un contract.
Den e caso aki, nan ta keda haci mesun cos, a remarca.
SEPPA a bisa gobierno pa coregi e situacionnan aki y a bolbe priminti cu den algun luna tur cos ta bay keda cla y awor SEPPA ta den spera di esey.
Brito a finalisando cu e reto awor ta bay ta mas pisa y esey e ta kere cu como minister, ta bay tin un reto hopi grandi pa yega na solucionnan ainda prome cu e aña escolar cuminsa.
