ORANJESTAD (AAN): E wega di Zodiac keto bay tin su fanaticonan. E ta un wega cu tur hende gusta hunga.
Y Amparo tambe a cumpra su numbernan di suerte, y a bira feliz ora el a gana.
Pesey riba Diabierna el a presenta na oficina di Lotto na Playa pa asina reclama su premio. Aki e funcionarionan a revisa su ticket pa check si el a pone su firma. Ora cu a scan e barcode, e computer a confirma mesora cu el a gana 25.000 Florin cu e sorteo di Zodiac.
Mesora a sigui cu e proceso pa transferi e premio electronicamente pa su cuenta di banco. Amparo a indica cu e ticket ganador el a cumpra na U-Win Lottery.
