ORANJESTAD (AAN)—Minister di Asunto Social y Husticia, señor Rocco Tjon, den conferencia di prensa di gobierno, kier a comparti cu comunidad,
den nomber di Partido MEP, algun actividad interesante na beneficio di e desaroyo di nos comunidad. Na prome lugar, e dignatario a menciona e campaña digital “Stima bo mascota”, cu MEP ta bezig cune y cu a cuminsa algun siman atras y cu ta bay te dia 2 di October.
“E campaña aki ta pa stimula personanan cu ta stima nan mascota, cu ta stima bestia, pa saca un potret di un bestia, di nan mascota, anto manda e informacion aki na This email address is being protected from spambots. You need JavaScript enabled to view it.. Na momento cu bo manda bo potret di bo mascota, esaki ta bay den un tombola, di tur e candidatonan cu a registra, y mi mester bisa cu nos ta hayando hopi potret di personanan cu nan mascota, di mucha, tata, mama, diferente famia cu nan mascotanan cu nan tin na cas”, minister Tjon a comenta.
E mandatario a sigui splica cu a base di esaki, tin un cuerpo di hurado independiente, cu ta bay scoge tres potret ganador. Y e potretnan ganador lo wordo anuncia Dia di Bestia, 4 di October”, Tjon a indica.
Pa e di tres lugar, e premio ta un certificado na valor di 150 florin, pa un bishita na veterinario cu su mascota. E di dos premio lo ta 175 florin, na docter Grooming, y e premio mayor ta 200 florin na cuminda di cacho.
“Esaki netamente partido MEP ta haci pa stimula e amor pa bestia cu nos tur tin. Nos sa cu hopi hende tin mascota na nan cas, muchanan ta stima bestia, y asina aki nos kier sigui stimula y engrandece e amor pa bestia cu nos tin na cas”, Minister Rocco Tjon a reitera.
El a agrega cu banda di esaki, asina mes Partido MEP kier contribui y duna bek na personanan cu ta cuida y stima nan mascota. El a reitera pa entrega e potret cu bo mascota no mas laat cu dia 2 di October, na This email address is being protected from spambots. You need JavaScript enabled to view it. y asina aki bo por bira un feliz ganador di e campaña “stima bo mascota”.
