ORANJESTAD (AAN): Durante un momento ameno, Minister Rocco Tjon a combersa cu amigo y Minister President di Corsou, Sr. Gilmar Pik Pisas.
Sr. Pisas, ademas di ta Minister President di isla ruman Corsou, tambe ta carga e mando di ta e Minister di Husticia.
Actualmente, Sr. Pisas ta na Aruba den cuadro di e Tripartiet entre Premier di Aruba, Sra. Evelyn Wever-Croes, Premier di St Maarten, Sra. Silveria Jacobs y su persona como Premier di Corsou.
Durante e reunion, a intercambia hopi idea den e tereno di Husticia, entre otro plannan pa cu e sistema di prison, entre otro den e parti di re-integracion y re-socialisacion.
Otro topico di combersacion tabata e temanan cu lo toca den Januari benidero, durante e “ justitieel 4 landen overleg”. Semper ta bon pa por comparti ideanan cu coleganan di nos isla ruman, y mas aun, ta bon pa comparti cu esnan cu kier mira progreso den nan pais.
