Minister Presidente ta reitera e medidanan cu ta vigente

Ainda no tin Toque de Queda:

ORANJESTAD (AAN) – Minister Presidente, Evelyn Wever-Croes, den conferencia di prensa di Diaranzon aki, a recapitula riba e medidanan cu ta “in place” pa preveni mas contagio di Covid-19.

E mandatario a bisa cu no tin toque de queda ainda, pero tin varios medida vigente cu ya caba a wordo anuncia, siman pasa. Nan ta medidanan cu ta toca Horeca, Supermercado y tiendanan.

            “Ta importante pa nos remarca cu aki na Aruba, enberdad no tin un toque de queda aworaki, pero nos tin si, prohibicion: Gebiedsverbod cu ta un prohibicion pa hendenan ta den areanan publico entre 7’or di anochi pa 5 or di madruga, kiermen den parkinglot, beach, etc. Y e horario di ciere cu desde siman pasa, nos a hala esaki pa 12 or di anochi. Y despues di esey ningun establecimento por ta habri, cu excepcion di casino cu por keda habri te 1 or di madruga. Y cu e medidanan aki nos ta sinti cu nos por busca e balansa entre salud y economia, apesar cu e cifranan ta aumentando drasticamente, pero nos compas ta hospital y e capacidad na hospital”, Minister Presidente a reitera.