Minister Maduro a bishita Colegio Pastor Kraanwinkel pa promove fiesta di San Juan

ORANJESTAD (AAN) – E siman aki Aruba ta celebra e Fiesta di San Juan – Dera Gay y manera ta custumber Minister Xiomara Maduro ta bishita scolnan pa promove nos fiesta di San Juan.

        E aña aki scolnan basico a ricibi un buki informativo cu e historia di celebracion di dia di San Juan – Dera Gay cu tin tareanan pa wordo haci manera plachinan pa pinta, sopi letter, quiz y mas informacion educativo di e fiesta tradicional aki.

        Dialuna mainta a toca turno na Pastor Kraanwinkel caminda e mandatario a wordo bon ricibi y asina a comparti cu alumnonan di e scol. Masha danki na staf di e e scol y docentennan.