En conexion cu Dia di San Juan – Dera Gay 2022:
ORANJESTAD (AAN): Den cuadro di Celebracion Dia di San Juan – Dera Gai, Minister di Cultura Xiomara Maduro a bishita Anglo Kleuterschool na Madiki. Na yegada e mandatario a wordo ricibi pa e muchanan y pa juffrouwnan di e scol.
Un bunita mainta caminda a conta e muchanan di e fiesta di cosecha Dia di San Juan – Dera Gai cu ta wordo celebra dia 24 di juni. A splica e muchanan riba e baile di Dia di San Juan y asina nan a haya mas conocimiento riba e esaki y tambe e muchanan a baila.
E muchanan tambe a haci e wega di grito di gay. Minister Maduro a entrega na scol e 'Caha Sabi' cu informacion di Dia di San Juan, Dera Gai. Na final a gradici e juffrouwnan y muchananan pa e bunita y dushi mainta.
