Un programa di entrenamento culinario basa riba comunidad
ORANJESTAD (AAN): Art Rap Foundation ta anuncia e lansamento di The Grandmother’s Kitchen, un programa di formacion vocacional cu ta transforma e actividad di cushina den un plataforma di inclucion, educacion y oportunidad pa tur hende.
Open call pa wela- y welonan: Art Rap Foundation ta buscando cuater wela of welo pa participa como portadorna di conosemento cultural y culinario. Nan rol ta inclui comparti resetanan, tradicion y cuentanan personal cu ta enrikece e proceso di siña. Participacion ta inclui un pago simbolico, no ta trabao boluntario.
Open Call pa hobennan: Registracion pa hobennan ta completamente gratis. Tin capacidad pa 10 participante, pero no hopi luga a keda habri. Lugarnan ta worde asigna segun orden di registracion, cu ta yega prome, registra yenando tur condicion, ta recibi e luga prome.
Tocante di e Programa: The Grandmother’s Kitchen ta reuni welanan, welonan di 15 pa 20 aña. Durante 12 sesion practico den: (*) Habilidadnan basico di cushina, (*) Higiene y maneho di cuminda, (*) Trabao den grupo, (*) Cooperacion y respeto intergeneracional, (*) Objetivonan di e Programa, (*) Suministra formacion culinario practico y no-formal pa hoben, (*) Fortalece inclusion y empleabilidad via aprendisahe comunal, (*) Preserva conosemeiento ancestral y di bida manera herencia social, (*) Prepara hoben pa estudio futuro den hospitality y/of turismo, (*) Fomenta confianza, pertenencia y autosuficiencia den hobennan.
Pa bo registra, bay na e website:
Na e website ey bo ta registra, y corda cu yenamento di formulario y acepta condicionnan ta obligatorio.
