ORANJESTAD (AAN): Entrante Diadomingo awor, esta di 21 te 27 di mei Minister Franc Weerwind di Proteccion di derecho ta realisa un bishita di trabao na Bonaire,
Aruba y Curaçao. E bishita ta particularmente pa sera conoci y como persona responsabel pa e sistema e lo bishita diferente sector riba e tereno di Husticia y Siguridad. E lo hiba combersacionnan tambe riba pasado di sclavitud.
Bonaire: DIARIO a compronde cu e biahe ta cuminsa riba 21 di mei na Bonaire. E minister lo haci un recorido den Instituto Hudicial Hulanda Caribense (JICN) y lo bishita Stichting Reclassering tambe. Mas aleu tin un bishita programa na e proyecto di prevencion “t’abo so ta dicidí” na Jong Bonaire.
Aruba: Riba Diamars 23 di mei minister Weerwind ta yega Aruba y lo ser ricibi pa gobernador Alfonso Boekhoudt. Hunto cu minister di Husticia y Asuntonan Social Rocco Tjon, Weerwind lo haci un bishita na Korrektie Instituut Aruba. Tambe tin un combersacion plania cu e Procurador General suplente.
Curaçao: For di 24 di mei e bishita di trabao ta continua na Curaçao. Aki e minister ta combersa cu Corte Comun di Husticia. Tambe e lo bishita Archivo Nacional y Banda Abou. Riba e programa tin tambe un bishita na e facultad di derecho y un encuentro cu studiantenan. Ademas minster Weerwind, hunto cu minister di Husticia Shalten Hato, lo bishita Sentro di Detenshon i Korekshon Kòrsou.
