Minister Endy Croes ta felicita ASV River Plate cu nan 70 aniversario

ORANJESTAD (AAN): Diaranson, 1 di februari ASV River Plate a conmemora e club su 70 aña di existencia.

En conexion cu e dia memorabel aki, den ora di anochi tabatin un brindis combina cu wega di futbol di U20 entre ekipo di RCA y ASV River Plate.

            Minister Endy Croes tabata presente na veld di River Plate pa e ocasion special aki na unda e dignatario a hiba palabra y den nomber di Gobierno di Aruba a otorga un reconocemento na ASV River Plate, pa nan gran contribucion na futbol di Aruba.

            E organisacion ASV River Plate semper a traha pa e hobennan di e bario di Madiki, Playa Pabou y bisindario. Minister Endy Croes ta felicita y gradici fundado, dirigente, miembro y boluntarionan cu a contribui na e exito di e organisacion.

            Como tambe mandatario di Deporte ta gradici tur e miembronan cu a yega di forma parti di e organisacion cu a yuda den e trayecto largo y bunita aki. Masha danki na presidente, sr. Earnie Panneflek y directiva. Hopi exito!