Minister Endy Croes a reuni cu Secretario General di Ministerio di Enseñansa di Hulanda drs. Marjan Hammersma

ORANJESTAD (AAN): Fin di September Universidad di Aruba a organisa e “werkconferentie” relaciona cu Studiesuccess.

Durante 4 Landenoverleg cu a tuma lugar den luna di maart na Hulanda entre Ministernan di Enseñansa di Hulanda, Aruba, Corsow y St Maarten a toka e tema di Stuciesuccess. Aruba na e momentonan ey a escohe y pone su mes disponibel pa “host” e conferencia riba e topico aki na final di september 2022.

    Universidad di Aruba atraves di entre otro Prof. Rector Viola Heutger y comision tabata encarga pa organisa y trek e proyecto aki. Sigur Nicole Spellen y Ron Borhmans a hunga un rol importante den esaki. Den cuadro di e werkconferentie aki tabata di bishita na Aruba delegacionnan di St Maarten, Corsow, Saba, St Eustatius, Bonaire y klaro Aruba.

   Hulanda tambe tabata tey cu un delegacion entreotro Hogeschool Rotterdam y Hogeschool Amsterdam pero tambe cu representantenan di Ministerio di Onderwijs di Hulanda. Entre otro Secretaris General di Onderwijs di Hulanda  drs.Marjan Hammersma. Minister di Enseñansa y Deporte di Aruba a reuni separa na su Bureau cu Marjan Hammersma kende tabata den compania di Aldrik in’t Hout.

   Por en general un bon reunion. Minister di Enseñansa a ricibi varios pregunta relaciona cu Doorlichting rapport y por a splica ampliamente e plan van aanpak cu Bureau di Enseñansa ta bezig cu ne alrespecto esaki. Alaves Minister a intercambia idea cu e Secretaris General di Onderwijs di Hulanda y a splica den detaye e retonan cu Aruba ta confrontando. Algo cu Minister a splica hopi cla ta e postura di CAft relaciona cu presupuesto cu ta frena tur desaroyo den enseñansa.

  E tambe a splica na Secretaris General cu gobierno di Aruba atraves di un maneho diligente di Minister Presidente Evelyn Wever Croes y Minister di Finansas Xiomara Maduro a logra baha e deficit causa pa Covid 19 di 1028 miyon di aña (2020) pa 25 miyon pa cu aña (2023) pero esaki sinembargo no ta bon suficiente den wowo di CAft unda CAft ta keda exigi pa corta miyones entre otro den enseñansa cu menasa di aanwijzing. Sigur Minister di Enseñansa ta opone fuerte e consehonan aki di CAft comokiera CAft ta basando su mes hasta riba calculacionnan robez.

   Alaves  ningun pais rond mundo tampoco ta corta den Enseñansa pio despues di Covid-19. Pero por lo demas Aruba ta haciendo su maximo esfuerso pa cumpli cu varios recomendacionnan di e doorlichting tussenrapportage y ta hasiendo avansenan grandi cu tiki fondo alrespecto.

    Secretaris General di Onderwijs drs. Marjan Hammersma na final a entrega Minister Endy Croes como obsekio  2 buki masha interesante esta Antilliaanse erfgoed volume 1 Toen en Nu y volume 2 esta Nu en verder cu masha hopi informacion. Minister a keda masha gradici cu e detaye aki.  All by all un tremendo reunion unda por a bay den basta detaye y asina Hulanda por tin poco mas bista  di trabounan duro cu Aruba ta eherciendo riba dicho tereno.