Minister Endy Croes a invita studiantenan pa atende un anochi informativo riba estudio y vivienda na Hulanda

Durante un bishita na Colegio Arubano

ORANJESTAD (AAN): En conexion cu e proyecto di Studentenkamer, Minister Endy Croes a bishita e alumnonan di HAVO 4, 5 y VWO 5,6 di Colegio Arubano na Playa pa invita nan pa un sesion informativo dia 26 di september proximo.

Durante e sesion diferente orado lo comprati y brinda informacion di, entre otro alohamento (huisvesting) na Hulanda. Tambe, e expertonan di Seccion Facilidad pa Estudio di Departamento di Enseñansa di Aruba (DEA), Realign Caching, Consultancy & Services, Fundacion Plan di Bida, Kabinet di Aruba, Sr. Franklin Seute y e mentornan lo comparti informacion y tips valioso cu e studiantenan cu tin interes pa continua cu nan estudio avansa na Hulanda of Merca.

E meta ta pa yuda y motiva e studiantenan pa inscribi pa camber (studentkamer) na tempo. Rector di Colegio Arubano Sr. Tim Croes a gradici Minister Endy Croes pa bishita Colegio Arubano y pa trece informacion valioso pa e alumnonan cu ta biahando pa Hulanda e proximo aña. “Nos ta gradici Sr. Tim Croes, decaan, docente- y alumnonan pa e caluroso recepcion. Nos ta warda e studiantenan mas un (1) mayor dia 26 di september proximo pa 6 ‘or di atardi na IMAX Gloria”, Minister Endy Croes a conclui.