Despues di 11 aña bestuur a wordo manda cas - ORANJESTAD (AAN): Minister di Enseñansa y Deporte, Endy Croes, a haci un anuncio importante diamars.
El a duna di conoce cu awor cu e tin apenas 3 siman y mey den gobierno a yega e momento pa atende cu Fundacion Lotto pa Deporte.
El a bisa cu desde diabierna y diasabra tabata ocupa cu cartanan cu ta bay y bin.
Diamars, na Entertainment Center na Dakota unda antes tabata e oficina oficial di Lotto pa Deporte, aunke e sala di e 'board of directors' ainda a keda na e mesun lugar, Minister Croes a ser a conoci cu e director di Lotto pa Deporte, unda cu tambe como Minister di Enseñansa y Deporte, el a presenta e bestuur nobo di 5 persona cu a wordo nombra door di su persona durante e fin di siman cu a pasa.
Tabata den combersacionnan durante e fin di siman y e director a ricibi nan. E minister a cuminsa e reunion y a pone su direccion den esaki pa pidi cooperacion di e director actual pa cu e bestuur nobo cu a wordo nombra.
Despues di mas o menos 15 minuut di introduccion a duna espacio na e presidente y na e 5 miembronan di e directiva nobo pa nan por reuni den tur trankilidad pa dentro di poco inicia cu nan trabao, a bisa.
Aworaki, desde November 2009 tin un Raad van Toezicht nobo, door cu a cambia e statuut un poco.
Minister Endy Croes a laga sa cu e ta hopi contento cu esaki pasobra awor por pone e vision dilanti di unda kier bay y si Lotto por sostene e vision aki unda e deportistanan y e infrastructura na final di dia mester ta esun cu lo sali victorioso.
Fundacion Lotto pa Deporte a wordo institui na aña 1982 cu e vision di traha placa pa por pone disponibel pa deporte "Ta bay percura pa esaki ta alinea bek pa deporte por haya su fair-share manera cu e ta, asina Minister Endy Croes a declara.
