ORANJESTAD(AAN): Dialuna durante un conferencia di prensa, minister di Enseñanza y Deporte Endy Croes a probecha pa di antemano duna maestronan un pabien riba World Teachers Day cu ta awe dia 5 di October.
“Di curazon nos kier felicita tur maestro y docente na Aruba riba nan dia”.
Nos sa cu e ta un bunita profesion y nos sa tambe cu nan ta haci esaki cu hopi pasion, pues di Gobierno di Aruba y ministerio di Enseñanza y Deporte, nos kier a felicita nan anticipando e dia, segun Croes.
“Danki di curazon pa e trabao bunita cu boso ta eherce pa educa nos muchanan”, segun e mandatario.
