Minister Dangui Oduber cu reconocimento na 28 empleado di Divi Resort

ORANJESTAD (AAN)– Diahuebs anochi Minister di Turismo Sr. Dangui Oduber tabata tin e placer y honor di por a duna reconocimento na 28 empleadonan di Divi Resort.

Esaki a sosode conhuntamente cu Director General di Divi & Tamarijn Sr. Marin Bijl y presenta pa Sra. Maria Esguerra cu ta Directora di Recurso Humano. E tabata un anochi hopi ameno cu a tuma lugar den e ballroom di Alhambra.

            E 28 empleadonan aki ta traha den diferente area y diferente resort di Divi.

8 empleado a cumpli 25 aña di aniversario

9 empleado a cumpli 30 aña di aniversario

8 empleado a cumpli 35 aña di aniversario

3 empleado a cumpli 40 aña di aniversario

            Minister Oduber ta gradici cada un di e 28 empleadonan aki cu a traha añanan largo na bienestar di nos turismo, esaki ta algo di aplaudi. Nan ta un inspiracion pa nos tur pa por a dedica asina hopi aña di nan bida na nos industria turistico.

            Turismo ta nos unico pilar economico y ta e driver di nos economia.