Matutino Diario a publica su prome edicion dia 3 di November 1980. Un edicion completamente den preto y blanco.
Jossy Mansur a cuminsa skirbi pa e vespertino di Curacao Nobo y tabata gana fl 200 pa luna. Un dia Nobo ta publica e articulo e otro dia no.
Un dia Eddy Oleana di Extra di Curacao a ofrece Jossy Mansur pa tuma Extra Aruba,
Jossy a acepta y den garashi di cas a cuminsa skirbi pa Extra.
Jossy Mansur hunto cu su casa Nuhad a bin cu idea cu Aruba mester di su mes un corant y asina Diario a haya su bida.
Jossy a acerca su tata y asina Papa Mansur a cumpra e machinenan di imprenta.
E acohida di e pueblo Arubiano tabata grandi pa Diario.
Diario a cuminsa den parti chikito den un edificio den Wilhelminastraat y awe ta den un edificio na Engelandstraat.
Durante añanan Diario semper tabata skerpi cu politico y gobernacion.
Semper Diario a para pa su principio di periodismo, trece e realidad y berdad dilanti.
Diario tambe tabata conoci pa tin e mihor caricatura tur dia den su edicion.
Tambe Diario tabata tin reporteronan manera Django Simmoons, Robby Burleson, Pedro Maduro, Harry Croes, Jubi Naar y asina por sigui menciona.
Den e epoca mas moderno tin redactornan manera Yorleny Oduber, Nilton Lacle, Giovanni Lane, Mercedes Abdul Hamid, Tania Cunha, Aureen Werleman.
Te cu awe Diario ta e corant mas grandi y lesa di Aruba.
Fotos Diario
Nos Historia Nos Herencia
{gallery}Berdad nunca a perhudica ningun hende, ningun causa ni ningun nacion{/gallery}
