Minister cu bishita oficial na Bureau Interne Diensten

ORANJESTAD (AAN): Den cuadro di su maneho pa cu su cartera di Minister di Servicio Interno, drs. Rene Herde, recientemente a bishita Bureau Interne Diensten (BID).

   Minister Herde hunto cu su team a haci un recorido na BID y a pasa na diferente seccion. E trahadonan a comparti cu Minister kico nan trabao ta encera.

   Despues tur hende presente a haya un presentacion di Departamento di Recurso Humano (DRH) tocante e restructuracion di nan departamento. Na final di e presentacion e trahadonan di BID tabatin e oportunidad pa haci pregunta.

   E meta di e bishita aki tabata pa e trahadonan haya informacion tocante e restructuracion, pa asina nan por ta na altura di kico esaki ta nifica pa nan y alavez pa duna nan oportunidad pa comparti cualkier preocupacion cu nan por tin.

   Minister Herde kier gradici BID y DRH p'e cooperacion brinda.