"Nos tey pa resolve" --- ORANJESTAD (AAN): Minister di Enseñansa y Deporte, Endy Croes tabata presenta dialuna mainta na SIMAR unda tabata tin un reunion extraordinario tumando lugar.
Minister Croes a laga sa cu el a tuma nota di e reunion aki cu a tuma lugar di 8 am pa 10 am y "nos tey pa resolve", a expresa.
Aunke ora cu el a yega ya e reunion a caba mas tempran, e mandatario a bisa cu e ta sostene nan lucha pero esaki mester ta den e medionan cu tin. Tin cantidad di punto riba cual ya caba a duna atencion. Tin otro problemanan manera condicionnan pa cu e maestronan, pero tambe infrastructura, etc.
Ya caba e minister a reuni na tres ocasion cu Josephine Albertus, representante di SIMAR na tres ocasion y tur ora e reunionnan a bay den bon ambiente. Di dies punto cu a wordo presenta tin algun cu ya caba a traha riba nan, Minister Croes a bisa.
Minister Endy Croes a laga sa cu e lo a bay atende otro reunionnan cu otro sindicatonan.
