En conexion cu celebracion di KPA su 36 aña di existencia.
ORANJESTAD (AAN): Diadomingo ultimo na veld di Madushi Stars a tuma luga e gran final di e torneo di softball di Cuerpo Policial Aruba en conexion cu e siman di polis. Durante henter siman tabatin diferente actividad deportivo.
Minister Endy Croes tabata presente na e final di softball pa haci entrega di e trofeo di campeon y sub campeon na e ekiponan ganado.
E actividad a gosa di un acogida grandi y a clausura e siman di polis cu e banda Buleria cu a pone un ambiente total na veld di Madushi Stars. Minister Endy Croes ta felicita Cuerpo Policial Aruba cu e celebracion di nan 36 aniversario danki pa sirbi nos comunidad.
Alabes ta felicita KPA cu un tremendo actividad. Masha pabien na e ekipo campeon; Districto 3 San Nicolas y sub campeon: Opleiding School.
https://diario.aw/categories/noticia/general/minister-croes-a-haci-entrega-di-trofeo-na-e-campeon-y-sub-campeon-di-softball-di-korpsweek-2022#sigProIdbb6b5d5dfb
