Lider Fraccion AVP, Jennifer Arends-Reyes:
ORANJESTAD (AAN) Parlamentario Lider di fraccion di AVP, señora Jeniffer Arends-Reyes, a duna di conoce cu su fraccion tabata tin un reunion, den cual DIMAS tambe tabata presente. Durante e reunion aki Minister di Husticia a bin papia tocante DIMAS y e otorgamento di permisonan tambe.
“Akinan bo ta wak cu e ta indica cu tin e personal, pero tin retonan di censo, y sin e parti di censo nan no por inscribi. Tur esaki por hunga un rol den e cuponan di trabao pasobra hopi biaha e dunador di trabao ta bisa cu e kier un comprobante di unda e persona ta biba. Y esaki por bira un ‘bottle neck’ pakico nan no ta tuma nan na trabao of pakico nan no tin AZV,” Arends-Reyes a bisa.
“Pues, tin un cantidad di factor, cu por ta afectando e factor aki, pero en todo caso, e tin atencion di e minister. Nos a trec’e dilanti tambe, cu e cuponan di trabao mas di cien, cu e hendenan tey y nan kier traha. Nos ta suppose di por maneha esaki e proximo lunanan”, Parlamentario Arends-Reyes a finaliza bisando.
