Minister a reuni cu diferente stakeholder den veld di enseñansa

ORANJESTAD (AAN): Recientemente Minister Endy Croes a reuni cu diferente ‘stakeholders’ den veld di enseñansa.

   DIARIO a tuma nota cu presente na e reunion tabata Directie Onderwijs, Inspectie Onderwijs, DUOS.  E profesionalnan a atende e tema financiero y e recomendacionnan den e ‘Tussenrapportage Doorlichting Van Het Arubaanse Onderwijsbestel’.  Esaki sigur ta algo cu ta hopi importante pa tene na cuenta cune di awor y futurio.

   E grupo di experto aki a papia tambe riba e reunionnan cu nan tabatin planea cu un delegacion Hulandes cu ta elabora amplio riba enseñanza en general.

   Finalisando, e mandatario a expresa cu e tabata un tremendo reunion.  E ta gradici tur e stakeholders pa nan input den e asunto importante aki pa Aruba su enseñanza.