Minister a felicita 71 graduadonan di Mon Plaisir College MAVO

ORANJESTAD (AAN): Diadomingo ultimo Minister di Enseñanza a presencia e ceremonia di graduacion di Mon Plaisir College MAVO cu a tuma luga den Grand Ballroom di Marriott Resort & Stellaris Casino.

   Asina Mon Plaisir College ta celebra e hecho cu 71 alumno a gradua, cual ta refleha e porcentahe di 96%.  Durante di e anochi festivo yena cu speransa y alegria mas aki rato cada alumno ta ricibi nan diploma.  Gobierno tin deber pa brinda tur hoben e oportunidad pa tin acceso na enseñansa.

   Ministro a bisa cu sigur e mayor- y famianan ta hopi contento y orguyoso di bosonan. Deseo di un mayor semper ta pa nan yiu studia y prepara nan mes bon pa nan por para den nan propio sapato y contribui di manera positivo na comunidad. Locual cu bo a logra awe esta bo diploma ta basa riba bo esfuerso y meritonan propio.

   E diploma aki ta di bo y ningun hende nunca mas por kite for di bo. Bo tin e yabi di bo futuro den bo man.  Ministro a gradici inmensamente SPCOA MP College na tur e docentenan cu a stimula y pusha e alumnonan aki, danki pa boso bunita trabou.

   E cinco miho graduadonan di Mon Plaisir College MAVO tabata Sherlly Huang, Jorick Croes, Nathan Dirks, Kayden Figaroa y Jealdyne Yarzagaray.