Militarnan di Aruba participando den training riguroso na Martinique

Operacion “Commando Course”

ORANJESTAD (AAN): Na isla di Martinique, e mariniernan di Marine Squadron Carib Aruba hunto cu militarnan di Aruba y Curaçao, ta participando na e training cu ta wordo organiza pa militarnan frances, y yama ‘Commando Course’.

   Pa tres siman largo, nan ta haciendo ehercicio bao guia di mariniernan Frances.  E prome siman esaki a tuma lugar den e jungle di e isla.

   Tur esaki ta socede den cuadro di cooperacion entre Francia, Hulanda, y Trinidad & Tobago.  A participa tambe un seccion di Defensa di Caribe Hulandes.

   E training ta parti di e Nautical and Forest Training Center, cu ta un programa riguroso, tanto fisico y tambe mentalmente.