Militarnan Arubiano a participa den training di ‘tracking’

ORANJESTAD (AAN): Un di e habilidadnan importante cu tur militar tin di domina rond mundo, ta wordo yama ‘Tracking”. 

E ta un tecnica y habilidad necesario pa e.o. rapidamente bo por localiza personanan cu ta perdi.

   Den ultimo simannan, militarnan di tanto Aruba y di Corsow a ricibi un training encuanto ‘Tracking’.  Na diferente lugar y bao di circunstancianan cu cada biaha ta cambia, a haci ehercicio pa busca, observa, y reconoce cualkier rastro, tanto den area di ciudad y tambe den naturalesa.

   E training a finaliza cu un track di dos dia largo a lo largo di e costa nort di Corsou, unda e conocemento y habilidad di e militarnan a wordo treci den practica.

   Esaki sigur ta un paso importante den e apoyo pa profesionalismo di e militarnan di Aruba y di Corsou.